کراچی : یومِ دفاع کے موقع پر مزارِ قائد پر گارڈز کی تبدیلی کی تقریب میں خطاب کرتے ہوئے ایئر وائس مارشل شہریار خان نے کہا کہ ہمارے دشمن ہمیشہ ناکام رہے ہیں اور آئندہ اس کھیل کا اسکور 6-0 نہیں بلکہ 60-0 ہوگا۔
انہوں نے کہا کہ پاک فضائیہ ہمیشہ عوام کے لیے فخر کا باعث رہی ہے اور 6 ستمبر کی یاد ہمیں ہر محاذ پر فتح کی یاد دلاتی ہے۔ انہوں نے شہداء کو سلام پیش کیا اور یقین دلایا کہ پاکستان کی فضائی حدود کا تحفظ فولاد جیسے مضبوط ہاتھوں میں ہے۔
