مہمند: پاک فوج نے مہمند میں دہشت گردوں کی جانب سے سیز فائر کا ناجائز فائدہ اٹھانے اور دراندازی کی کوشش کو ناکام بنا دیا ہے۔ سکیورٹی ذرائع کے مطابق، خفیہ اطلاعات کی بنیاد پر آپریشن کیا گیا جس میں فتنہ الخوارج کے 50 دہشت گرد ہلاک ہوئے۔
فوج نے علاقے کو گھیرے میں لے کر کلیئرنس آپریشن جاری رکھا اور دہشت گردوں کو بھاری نقصان پہنچایا۔ سکیورٹی فورسز کا کہنا ہے کہ دہشت گردوں نے سیز فائر کا غلط فائدہ اٹھا کر ملک میں دہشت گردی پھیلانے کی کوشش کی، مگر فورسز نے ان کے منصوبے کو بروقت ناکام بنا دیا۔
