دوبئی پولیس فورس اپنے بیڑے میں سپر کاریں شامل کرنے کے لیے کافی مشہور ہے۔ ٹیسلا کا حال ہی میں متعارف کرایا گیا سائبر ٹرک بھی دوبئی پولیس کے بیٹرے میں شامل کیا جائے گا۔ ظاہر ہے ایسا سائبر ٹرک کی پروڈکشن کے بعد ہی ہوگا اور اس ٹرک کی پروڈکشن 2021 کے آخر میں شروع ہوگی۔
کمانڈر انچیف میجر جنرل عبداللہ خلیفہ ال مری کا کہنا ہے کہ سائبر ٹرک کی پولیس کے بیڑے میں شمولیت سے سیاحتی مقامات کی سیکورٹی کو بہتر بنانے میں مدد ملے گی۔
شرطة دبي – 2020 – Dubai Police #CyberTruck pic.twitter.com/V9rMPLgjS4
— Dubai Policeشرطة دبي (@DubaiPoliceHQ) November 26, 2019
دوبئی پولیس پر تنقید کی جاتی ہے کہ اس کے بیڑے میں شامل گاڑیاں اکثر نمائش کے کام آتی ہے۔ جیسے دوبئی پولیس کو انتہائی نایاب آسٹن مارٹن ون -77 کی ضرورت نہیں ہے لیکن سائبر ٹرک متوقع طور پر فیلڈ میں بھی کام کر سکے گا۔ اس کا ڈوئل موٹر ورژن 2021 میں آئے گا ، انتہائی مضبوط سٹیل اور تیزرفتاری کے باعث یہ سڑکوں کے علاوہ بھی ہدف کا پیچھا کر سکے گا۔
