لاہور: پنجاب حکومت نے ماحول کی حفاظت اور ہوا کی آلودگی کم کرنے کے لیے اہم فیصلے کیے ہیں۔ وزیراعلیٰ مریم نواز کی زیرصدارت انسداد سموگ کابینہ کمیٹی کے اجلاس میں پٹرول چلنے والے موٹر سائیکل رکشوں کی پیداوار بند کرنے اور سرکاری اداروں کے لیے صرف الیکٹرک اور ہائبرڈ گاڑیاں خریدنے کا اعلان کیا گیا۔
اجلاس میں یہ بھی فیصلہ کیا گیا کہ پلاسٹک اور زہریلا دھواں پیدا کرنے والی اشیاء جلانے پر سخت کارروائی ہوگی تاکہ شہریوں کی صحت اور ماحول کو کوئی نقصان نہ پہنچے۔
