لاہور:پنجاب کی سینئر صوبائی وزیر مریم اورنگزیب نے کہا ہے کہ خیبر پختونخوا میں بنیادی سہولیات شدید خراب ہیں اور صوبائی حکومت کی توجہ کی منتظر ہیں۔ ان کے مطابق ٹوٹی سڑکیں، کھنڈر اسپتال، پرانے اسکول اور گندی گلیاں وزیراعلیٰ کے لیے اہم چیلنج بن چکی ہیں۔
مریم اورنگزیب نے کہا کہ طالب علم اسکالرشپ اور لیپ ٹاپ پروگرام بھی تاخیر کا شکار ہیں، جبکہ بسیں اور دیگر بنیادی سہولیات شہریوں کی خدمت کے لیے دستیاب نہیں۔ انہوں نے کہا کہ صوبے کی کرسی عوام کے لیے مذاق بن گئی ہے اور 23 نومبر کو عوام نے مسلم لیگ (ن) کے حق میں فیصلہ دیا۔
سینئر وزیر نے مشورہ دیا کہ پی ٹی آئی قیادت اپنے خاندان کی تقریبات زمان پارک میں رکھے، تاکہ عوام کو کسی قسم کی تکلیف نہ ہو اور صوبے کے مسائل پر توجہ دی جا سکے۔
