لاہور: وزیر اطلاعات پنجاب عظمیٰ بخاری نے کہا ہے کہ وزیر اعلیٰ خیبرپختونخوا سہیل آفریدی کے خط میں جھوٹ شامل ہے اور ان کے رویے سے صورتحال کشیدہ ہوئی۔
عظمیٰ بخاری نے بتایا کہ سہیل آفریدی اپنے ساتھ افراد لے کر آئے اور پنجاب اسمبلی کے دروازے توڑ کر صحافیوں کو دھکے دیتے ہوئے اندر داخل ہوئے، تاہم حکومت نے تحمل اور صبر کا مظاہرہ کیا۔
انہوں نے مزید کہا کہ سہیل آفریدی کو قانونی طور پر پروٹوکول دیا گیا، لیکن انہیں اپنے صوبے پر توجہ دینی چاہیے اور پنجاب میں رٹ لگانے سے گریز کرنا چاہیے۔ وزیر اطلاعات نے کہا کہ سہیل آفریدی خبروں میں زندہ رہنے کے لیے خط کا سہارا لے رہے ہیں، اور ان کی روانگی تک مہمان نوازی کی ذمہ داری پوری کی گئی۔
