پاکستان کی خارجہ پالیسی: لیبیا سے تعلقات اور عالمی فورمز میں مصروف عمل

اسلام آباد:دفتر خارجہ کے ترجمان نے بتایا کہ پاکستان لیبیا کے حوالے سے ریچ آؤٹ پالیسی کو مضبوطی سے نافذ کر رہا ہے۔ پاکستان برکس تنظیم کی رکنیت کے لیے سنجیدہ کوششیں کر رہا ہے اور اس تنظیم کو خاص اہمیت دیتا ہے۔
ترجمان نے کہا کہ ایس سی او ایک اہم علاقائی تنظیم ہے جس کے چارٹر اور اغراض و مقاصد سے پاکستان کا گہرا تعلق ہے اور پاکستان کو اس کے سربراہان اجلاس سے خاص توقعات ہیں۔
علاوہ ازیں، پاکستان کی زیر صدارت اقوام متحدہ کی سلامتی کونسل میں تنازعات کے پرامن حل کی قرارداد متفقہ طور پر منظور کی گئی ہے۔ نائب وزیراعظم آج سلامتی کونسل میں فلسطین کے مسئلے پر اعلیٰ سطحی بریفنگ دیں گے جو اقوام متحدہ اور او آئی سی کے تعاون سے متعلق ہوگی۔