اوول : بھارت نے اوول میں کھیلے گئے پانچویں اور فیصلہ کن ٹیسٹ میچ میں انگلینڈ کو محض 6 رنز سے شکست دے کر سیریز کو 2-2 مساوی کر دیا۔
میچ کے آخری دن محمد سراج کی بہترین بولنگ سے انگلینڈ کی ٹیم 367 رنز پر آؤٹ ہوئی، جبکہ جیت کے لیے انہیں 374 رنز کا ہدف درکار تھا۔ پرساد کرشنا نے بھی چار وکٹیں لے کر ٹیم کی فتح میں اہم کردار ادا کیا۔
انگلینڈ کے کپتان جو روٹ نے اپنی 24ویں ٹیسٹ سنچری بنا کر انگلینڈ میں سب سے زیادہ سنچریاں بنانے کا عالمی ریکارڈ توڑ دیا۔ ہیری بروک نے اپنی دسویں سنچری صرف 50 اننگز میں مکمل کر کے گزشتہ 70 سالوں میں سب سے کم اننگز میں یہ کارنامہ انجام دیا۔
مجموعی طور پر اس سیریز میں 21 سنچریاں بنیں، جو ٹیسٹ کرکٹ کی کسی بھی سیریز میں سب سے زیادہ ہیں۔ 9 مختلف کھلاڑیوں نے 400 سے زائد رنز بنائے جبکہ 19 سنچری پارٹنرشپس نے تاریخی حیثیت دی۔
اوول گراؤنڈ پر انگلینڈ نے اپنی 100ویں ٹیسٹ سنچری بھی مکمل کی، جس کے بعد اوول لارڈز کے بعد انگلینڈ کا دوسرا ایسا میدان بن گیا جہاں اتنی سنچریاں بنائی گئی ہیں۔
بھارت کی جیت نے سیریز کو دلچسپ انداز میں برابر کر دیا ہے، جبکہ انگلینڈ کے بلے بازوں نے اپنی شاندار کارکردگی سے کرکٹ کی دنیا میں اپنا مقام مستحکم کیا ہے۔
