سندھ حکومت نے کراچی کے صنعتی علاقوں کی ترقی کے لیے 9 ارب 28 کروڑ روپے سے زائد کا پیکیج منظور کر لیا ہے۔ سینئر وزیر شرجیل میمن نے کہا کہ یہ تاریخی اور بروقت فیصلہ ہے اور کراچی ملکی معیشت کے لیے ریڑھ کی ہڈی کی حیثیت رکھتا ہے۔
شرجیل میمن نے بتایا کہ جامع روڈ میپ کے تحت انفراسٹرکچر کی بہتری کے لیے ترقیاتی کام شروع کیے جائیں گے اور ان کے معیار، رفتار اور شفافیت پر کوئی سمجھوتہ نہیں کیا جائے گا۔
