لاہور: ڈی جی آئی ایس پی آر لیفٹیننٹ جنرل احمد شریف چودھری نے کنیئرڈ کالج فار ویمن یونیورسٹی لاہور کا دورہ کیا جہاں انہوں نے اساتذہ اور طالبات سے تفصیلی گفتگو کی۔
اس موقع پر انہوں نے پاک فوج کے پیشہ ورانہ امور، قومی سلامتی، اور سوشل میڈیا کے مثبت کردار پر روشنی ڈالی۔ طالبات نے شہداء اور غازیوں کو خراج تحسین پیش کیا جبکہ کالج کی نابینا ہونہار طالبہ نے شاندار قومی نغمہ پیش کیا۔
کالج کی انتظامیہ اور طالبات نے ڈی جی آئی ایس پی آر کے دورے کو خوش آئند اور معلوماتی قرار دیا۔
