اسلام آباد: اپوزیشن لیڈر قومی اسمبلی محمود خان اچکزئی نے وزیراعظم شہباز شریف کے خط کا جواب دے دیا ہے۔ ذرائع کے مطابق محمود اچکزئی نے وزیراعظم سے ملاقات اور مشاورت کے لیے مناسب دن اور وقت طلب کیا ہے۔
ذرائع کا کہنا ہے کہ وزیراعظم کے خط پر جواب دینے سے قبل محمود خان اچکزئی نے اپوزیشن رہنماؤں سے مشاورت کی، جس کے بعد وزیراعظم کو جوابی خط بھجوایا گیا۔
ذرائع کے مطابق اب وزیراعظم شہباز شریف کی جانب سے ملاقات کے لیے دن اور وقت مقرر کیا جائے گا۔ ملاقات میں ملکی سیاسی صورتحال اور دیگر اہم امور پر مشاورت متوقع ہے۔
