اسلام آباد : سینئر وکلا اور ریٹائرڈ ججز نے چیف جسٹس پاکستان کو خط لکھ کر مطالبہ کیا ہے کہ 27ویں آئینی ترمیم پر فل کورٹ میٹنگ بلائی جائے اور عدالت کی جانب سے واضح موقف جاری کیا جائے۔
خط فیصل صدیقی نے تحریر کیا ہے، جس پر مشیر عالم، مخدوم علی خان، منیر اے ملک اور عابد زبیری کے دستخط بھی شامل ہیں۔
خط میں کہا گیا ہے کہ آئینی ترمیم کے اثرات پر عدالت عالیہ کی مکمل توجہ اور قانونی جائزہ ضروری ہے تاکہ آئینی اصولوں اور ملکی مفاد کے مطابق فیصلہ کیا جا سکے۔
