اسلام آباد میں قومی مذاکراتی کمیٹی نے اجلاس کے بعد اعلامیہ جاری کیا ہے جس میں سیاسی قیدیوں کی رہائی، خواتین کارکنان کی بحالی اور نیشنل ڈائیلاگ کے عمل کو آگے بڑھانے پر زور دیا گیا ہے۔
اعلامیے کے مطابق صدر آصف زرداری، نواز شریف اور وزیر اعظم پر مشتمل کمیٹی تشکیل دی جائے گی جو سیاسی قیدیوں کے ساتھ تعاون کرے گی۔ سینیٹ اور قومی اسمبلی میں فوری طور پر اپوزیشن لیڈر کی تعیناتی اور میڈیا پر لگائی گئی سینسرشپ کے خاتمے پر بھی اتفاق کیا گیا۔
کمیٹی نے کہا کہ سیاسی کارکنان کے خلاف مقدمات ختم کیے جائیں گے اور بات چیت کے عمل کو مستقل بنیادوں پر جاری رکھا جائے گا۔ اجلاس میں شہداء کے درجات کی بلندی کے لیے دعا کی گئی اور نیشنل ڈائیلاگ کمیٹی کا آئندہ اجلاس ملتان میں منعقد ہوگا۔
