اسلام آباد: وزیراعظم شہباز شریف نے وفاقی کابینہ کا اہم اجلاس کل صبح نو بجے طلب کر لیا ہے۔ پی ایم سیکرٹریٹ کے ذرائع کے مطابق، اجلاس میں اہم قومی اور بین الاقوامی امور پر تفصیلی گفتگو کی جائے گی۔
اجلاس میں خطے میں بڑھتی ہوئی کشیدگی، بالخصوص ایران اور اسرائیل کے درمیان تنازعے کا جائزہ لیا جائے گا۔ اس کے علاوہ، افغانستان کے خلاف کارروائیوں اور امریکہ کے خلاف احتجاجی مظاہروں پر بھی کابینہ کو بریفنگ دی جائے گی۔
کابینہ اجلاس میں سکیورٹی پہلوؤں کا جائزہ لیا جائے گا اور آئندہ کی حکمت عملی پر غور کیا جائے گا۔ اجلاس کے دوران اہم فیصلوں کی توقع کی جا رہی ہے، جس کے بعد ایک اعلامیہ بھی جاری کیا جائے گا۔
