ایئر چیف مارشل ظہیر احمد بابر سدھو نے عراق کا سرکاری دورہ کیا اور کمانڈر عراقی ایئر فورس سے ملاقات میں دوطرفہ عسکری تعاون کو فروغ دینے، مشترکہ تربیت اور صلاحیت سازی پر تبادلہ خیال کیا۔ دورے کے دوران ایئر چیف کو ہیڈ کوارٹرز میں گارڈ آف آنر پیش کیا گیا۔
مذاکرات میں عراقی ایئر فورس نے جے ایف سیونٹین تھنڈر طیارے خریدنے میں دلچسپی کا اظہار کیا، جس سے پاکستان اور عراق کے درمیان دفاعی تعلقات میں مزید مضبوطی کی توقع ہے۔ ماہرین کے مطابق یہ دورہ دونوں ممالک کے عسکری تعلقات اور خطے میں دفاعی شراکت داری کے لیے اہم سنگ میل ثابت ہو سکتا ہے۔
