اسلام آباد: اداکارہ ہانیہ عامر ایک بار پھر اپنی شوخ طبیعت اور حاضر جوابی کے باعث سوشل میڈیا کی توجہ کا مرکز بن گئیں۔ حالیہ دنوں میں انہوں نے انسٹاگرام پر چند تصاویر شیئر کیں، جن میں ایک تصویر خاص طور پر مداحوں میں گفتگو کا موضوع بن گئی۔
اس تصویر میں ہانیہ ایک مرد دوست کے ساتھ خوشگوار موڈ میں نظر آ رہی ہیں، جہاں وہ مسکراتے چہرے کے ساتھ اس کے کندھے پر آرام سے جھکی ہوئی دکھائی دیتی ہیں۔ تصویر پوسٹ ہوتے ہی مداحوں نے دلچسپ تبصرے شروع کر دیے۔
ایک خاتون فالوور نے تصویر پر سوالیہ انداز میں تبصرہ کیا:
"کیا یہ آپ کا نیا بوائے فرینڈ ہے؟”
ہانیہ عامر نے اس سوال کا جو جواب دیا، وہ نہ صرف غیر متوقع تھا بلکہ اتنا مزاحیہ بھی تھا کہ دیکھتے ہی دیکھتے وائرل ہو گیا۔ اداکارہ نے ہنستے ہوئے جواب دیا:
"ہاں، اور کوئی کام ہی نہیں ہے میرے پاس!”
مداحوں نے ہانیہ کے اس جواب کو خوب سراہا اور انہیں "کول کوئین” قرار دیا۔
ایک اور صارف نے اداکارہ پر طنزیہ جملہ کسا:
"آپ تو صرف انٹرٹینمنٹ کے لیے بنی ہیں!”
جس پر ہانیہ نے انتہائی خوبصورتی سے جواب دیا:
"یہ تو بہت پیاری بات ہے!”
اداکارہ کے ان دلکش اور مثبت ردِعمل نے ثابت کر دیا کہ وہ صرف اداکاری میں ہی نہیں بلکہ لفظوں کے انتخاب میں بھی ماہر ہیں۔
مداحوں، سوشل میڈیا صارفین اور شوبز حلقوں کی جانب سے ہانیہ عامر کے نرم لہجے، حاضر جوابی اور خود اعتمادی کو خوب سراہا جا رہا ہے۔
اداکارہ نے ایک بار پھر یہ ثابت کر دیا کہ وہ ہر تنقید کا جواب مسکراہٹ سے دینے کا ہنر رکھتی ہیں، اور یہی انداز انہیں دوسروں سے مختلف بناتا ہے۔
