لکی مروت : خیبر پختونخوا کے ضلع لکی مروت میں امن کے دشمنوں نے ایک بار پھر پولیس کو نشانہ بنایا ہے۔ آئی ای ڈی (IED) دھماکے کے نتیجے میں ایس ایچ او سمیت 7 پولیس اہلکار شہید ہو گئے، جبکہ سکیورٹی فورسز نے پورے ضلع میں دہشت گردوں کے خلاف گھیرا تنگ کر دیا ہے۔
ڈی پی او لکی مروت کے مطابق، دھماکا اس قدر شدید تھا کہ پولیس کی گاڑی کے پرخچے اڑ گئے۔ وطن کی مٹی پر قربان ہونے والے شہدا میں درج ذیل اہلکار شامل ہیں۔ ایس ایچ او (قیادت کرتے ہوئے جامِ شہادت نوش کیا)، دیگر شہدا میں شاہ بہرام (ڈرائیور)، شاہ خالد (کانسٹیبل، حاجی محمد گل زادہ (اہلکار)، سخی زادہ (اہلکار)، انصاف الدین (کانسٹیبل، جو زخموں کی تاب نہ لاتے ہوئے ہسپتال میں شہید ہوئے) شامل ہیں۔
واقعے کے فوراً بعد سکیورٹی فورسز اور ایلیٹ فورس کی بھاری نفری جائے وقوعہ پر پہنچ گئی۔ ڈی پی او کا کہنا ہے کہ پورے علاقے کو سیل کر کے گرینڈ سرچ آپریشن شروع کر دیا گیا ہے۔ حکام کا عزم ہے کہ جب تک حملے کے ذمہ داروں کو کیفرِ کردار تک نہیں پہنچا دیا جاتا، آپریشن جاری رہے گا۔
وفاقی وزیر داخلہ محسن نقوی نے اس بزدلانہ حملے کی سخت ترین الفاظ میں مذمت کی ہے۔ انہوں نے شہدا کے لواحقین سے ہمدردی کا اظہار کرتے ہوئے کہا کہ "پولیس کے ان جوانوں نے اپنی جانیں دے کر ثابت کیا ہے کہ وہ دہشت گردی کے خلاف سیسہ پلائی دیوار ہیں۔ ان کی قربانیاں ضائع نہیں ہونے دی جائیں گی۔
