اسلام آباد: قومی اسمبلی نے 27ویں آئینی ترمیم کو دو تہائی اکثریت سے منظور کرلیا۔ ترمیم کے حق میں 233 ارکان نے ووٹ دیا جبکہ 4 ارکان نے مخالفت کی۔
ایوان میں شق وار ووٹنگ کے دوران اپوزیشن نے حکومتی طرزِ عمل پر شدید احتجاج کیا، شور شرابا کیا اور بعد ازاں اجلاس کا بائیکاٹ کرتے ہوئے ایوان سے واک آؤٹ کر گئی۔ اپوزیشن نے ووٹنگ کے عمل میں حصہ نہیں لیا۔
ترمیم کی منظوری کے ساتھ ہی آئینی عدالت کے قیام کی راہ ہموار ہوگئی ہے، جسے حکومت ایک تاریخی سنگِ میل قرار دے رہی ہے۔ حکومتی ارکان کا کہنا ہے کہ یہ اقدام ملکی آئینی نظام کو مضبوط بنانے کی جانب اہم پیش رفت ہے۔
