پنجگور: بلوچستان کے علاقے کلی سوران میں سکیورٹی فورسز نے انٹیلی جنس بیسڈ آپریشن کرتے ہوئے فتنہ الہندوستان کے 5 دہشتگردوں کو ہلاک کردیا، جبکہ متعدد دہشتگرد زخمی ہوگئے۔
سکیورٹی ذرائع کے مطابق ہلاک دہشتگرد موٹرسائیکلوں پر سوار ہوکر بڑی دہشتگرد کارروائی کی تیاری کر رہے تھے، تاہم فورسز نے بروقت کارروائی کرتے ہوئے ان کے منصوبے کو ناکام بنا دیا۔
کارروائی کے دوران دہشتگردوں کے قبضے سے جدید اسلحہ و گولہ بارود، 3 گاڑیاں، 2 موٹرسائیکلیں اور آئی ای ڈی ڈیوائس برآمد کی گئی، جبکہ کالعدم تنظیم کا جھنڈا بھی قبضے میں لیا گیا۔
