نئی دہلی: بھارت میں مختلف ریاستوں میں پیدا ہونے والی کشیدگی اور داخلی مسائل ایک بار پھر توجہ کا مرکز بن گئے ہیں۔
بھارتی جریدے دی ہندو کی رپورٹ کے مطابق ملک کے بعض علاقوں میں امن و امان کی صورتحال کو چیلنجز کا سامنا ہے، جبکہ مختلف ریاستوں میں علاقائی اور سماجی معاملات پر اختلافات سامنے آ رہے ہیں۔
رپورٹ کے مطابق منی پور اور ناگا لینڈ کے بعد اتراکھنڈ اور ہماچل پردیش میں بھی صورتحال پر نظر رکھی جا رہی ہے۔ اتراکھنڈ میں نہنگ سکھوں کی جانب سے مقدس مقام ہیم کنڈ صاحب کی طرف مارچ کی اطلاعات کے بعد سرحدی علاقے میں کشیدگی پیدا ہوئی۔
رپورٹ میں کہا گیا ہے کہ بھارت میں بڑھتے ہوئے داخلی مسائل حکومت کے لیے ایک بڑا امتحان بن رہے ہیں، جبکہ اپوزیشن اور ناقدین حکومتی پالیسیوں پر سوالات اٹھا رہے ہیں۔
حکام کے مطابق امن و امان برقرار رکھنے اور صورتحال کو قابو میں رکھنے کے لیے ضروری اقدامات کیے جا رہے ہیں۔
