دوحہ: وزیر داخلہ محسن نقوی اور قطری ہم منصب شیخ خلیفہ بن حمد بن خلیفہ الثانی کے درمیان اہم ملاقات ہوئی، جس میں پاکستان اور قطر کے درمیان سکیورٹی تعاون کو مزید بڑھانے سے متعلق امور پر بات چیت کی گئی۔
ملاقات کے دوران دونوں ممالک کے داخلی سکیورٹی سے متعلق معاملات، باہمی تعاون کے فروغ اور مشترکہ مفادات کے شعبوں میں شراکت داری مضبوط بنانے پر اتفاق کیا گیا۔
دونوں وزرائے داخلہ نے اس عزم کا اظہار کیا کہ پاکستان اور قطر کے درمیان سکیورٹی پارٹنرشپ کو مزید مؤثر بنایا جائے گا اور مختلف شعبوں میں تعاون کو وسعت دی جائے گی۔
وزیر داخلہ محسن نقوی نے کہا کہ پاکستان قطر کے ساتھ سکیورٹی اور مشترکہ مفادات کے شعبوں میں تعاون کو مستحکم بنانے کے لیے پرعزم ہے۔ انہوں نے دونوں ممالک کے درمیان مضبوط تعلقات کو مزید آگے بڑھانے کی خواہش کا اظہار کیا۔
