واشنگٹن ڈی سی میں بھارت کے سفارتخانے پر یوم آزادی کی تقریب کے دوران سکھ مظاہرین کی بڑی تعداد نے سفارتخانے کا گھیراؤ کر لیا اور شدید نعرے بازی کی۔ ۔
مظاہرین نے بھارتی ترنگے کے ٹکڑے کر کے سفارتخانے کے داخلی دروازے کے سامنے پھینکے، تاہم پولیس کی بھاری نفری کے باوجود کوئی ناخوشگوار واقعہ پیش نہیں آیا۔
خالصتان کونسل کے سربراہ ڈاکٹر سندھو نے مظاہرے سے خطاب کرتے ہوئے کہا کہ 17 اگست کو واشنگٹن ڈی سی میں خالصتان ریفرنڈم میں ووٹ ڈالنے کے لیے ہزاروں سکھ شہر میں جمع ہو رہے ہیں اور وہ دن دور نہیں جب بھارتی پنجاب کو آزاد کرا کر خالصتان کا قیام عمل میں لایا جائے گا۔
