جوئے کی ایپ کی پروموشن اور منی لانڈرنگ کیس میں ڈکی بھائی کا جسمانی ریمانڈ دو روز بڑھایا گیا

لاہور : جوئے کی ایپ کی پروموشن اور منی لانڈرنگ کے مقدمے میں گرفتار ملزم "ڈکی بھائی” کا جسمانی ریمانڈ نیشنل سائبر کرائم انویسٹی گیشن ایجنسی کی درخواست پر عدالت نے مزید دو روز کے لیے بڑھا دیا ہے۔

ملزم کو عدالتی کارروائی کے دوران پیش کیا گیا جہاں استغاثہ نے تحقیقات مکمل کرنے کے لیے جسمانی ریمانڈ کی استدعا کی۔ عدالت نے یہ درخواست منظور کرتے ہوئے ملزم کو مزید دو روز کے لیے ریمانڈ پر پولیس کے حوالے کر دیا۔