کراچی: معروف گاڑی ساز کمپنی ٹویوٹا سوسائٹی موٹرز نے کرولا کراس کی قیمتوں میں بڑی کمی کا اعلان کیا ہے، جس کے تحت اس کی تمام ویریئنٹس پر 6 لاکھ 14 ہزار روپے تک کی خصوصی رعایت دی گئی ہے۔
یہ کمی کمپنی کی جانب سے مارکیٹ میں اپنی SUV کی طلب بڑھانے اور صارفین کو زیادہ آسانی فراہم کرنے کے لیے کی گئی ہے۔ ٹویوٹا کرولا کراس پاکستان میں اپنی ہائیبرڈ ٹیکنالوجی، ایندھن کی بچت اور جدید حفاظتی خصوصیات کی وجہ سے بہت مقبول ہے۔
نئی قیمتوں کے مطابق کرولا کراس 1.8L HEVX کی قیمت 89 لاکھ 55 ہزار روپے، 1.8L HEV کی قیمت 85 لاکھ 55 ہزار روپے، 1.8L GASX کی قیمت 79 لاکھ 55 ہزار روپے، اور 1.8L GAS ماڈل کی قیمت 72 لاکھ 55 ہزار روپے ہو گئی ہے۔
یہ پیش رفت گاڑیوں کی قیمتوں میں حالیہ اتار چڑھاؤ کے بعد صارفین کے لیے خوشخبری ثابت ہوگی۔
