پاکستان نے دبئی اسٹیڈیم میں کھیلے گئے انڈر 19 ایشیا کپ کے فائنل میں بھارت کو 191 رنز سے شکست دے کر چیمپئن بننے کا اعزاز حاصل کر لیا۔ پاکستان نے مقررہ 50 اوورز میں 8 وکٹوں کے نقصان پر 347 رنز اسکور کیے، جس میں سمیر منہاس نے 113 گیندوں پر 172 رنز کی شاندار اننگز کھیل کر ٹیم کی جیت میں اہم کردار ادا کیا۔ احمد حسین نے 56 اور عثمان خان نے 35 رنز بنائے، جبکہ کپتان فرحان یوسف نے 19 رنز کا حصہ ڈالا۔
348 رنز کے ہدف کے تعاقب میں بھارتی ٹیم پاکستانی بالرز کے سامنے بے بس نظر آئی اور صرف 156 رنز پر آؤٹ ہو گئی۔ دپیش دیوندرن نے تین وکٹیں حاصل کیں، جبکہ ہینل پٹیل اور کھلن پٹیل نے دو، دو وکٹیں حاصل کیں۔
پاکستان نے سیمی فائنل میں دفاعی چیمپئن بنگلا دیش کو 8 وکٹوں سے شکست دے کر فائنل میں جگہ بنائی تھی، جبکہ بھارت نے سری لنکا کو ہرایا تھا۔
یہ فتح پاکستان کے لیے تاریخی اہمیت کی حامل ہے کیونکہ پہلی مرتبہ اس نے انڈر 19 ایشیا کپ کا مکمل ٹائٹل اپنے نام کیا۔ اس سے قبل 2012 میں پاکستان اور بھارت مشترکہ چیمپئن تھے، اور پاکستان دو مرتبہ آئی سی سی انڈر 19 ورلڈ کپ بھی جیت چکا ہے۔
