راولپنڈی :وزیر ریلوے حنیف عباسی نے کہا ہے کہ جو بھی پاکستان کی سلامتی پر حملہ آور ہو، اس سے بات چیت ممکن نہیں اور ایسے عناصر ملکی سالمیت سے کھیلنے والے غدار اور ذہنی مریض ہی ہو سکتے ہیں۔
انہوں نے کہا کہ اقتدار ملے یا نہ ملے، کوئی بھی رہنما پاکستان کی سالمیت سے بالاتر نہیں۔ حنیف عباسی نے بانی پی ٹی آئی کے بیانیے پر تنقید کرتے ہوئے کہا کہ موجودہ بیانیہ ریاستی اداروں، خصوصاً فوج کے خلاف ہے اور ملک کو منظم انداز میں غیر مستحکم کرنے کی کوشش کی جا رہی ہے۔
وزیر ریلوے نے خیبرپختونخوا حکومت کو ’’خوارج‘‘ کی سب سے بڑی سہولت کار قرار دیا اور اس بات پر زور دیا کہ قومی سلامتی پر سمجھوتہ کسی صورت نہیں ہو سکتا۔
