امریکا کا جارحانہ مؤقف، بھارت کو ٹیرف کی دھمکی، وینزویلا اور خطے سے متعلق سخت بیانات

واشنگٹن:امریکا نے روسی تیل کے معاملے پر تعاون نہ کرنے کی صورت میں بھارت کو ٹیرف بڑھانے کی دھمکی دے دی ہے۔ امریکی حکام کا کہنا ہے کہ توانائی سے متعلق پالیسیوں پر عدم تعاون تجارتی تعلقات کو متاثر کر سکتا ہے۔

ادھر امریکا نے وینزویلا میں تیل اور دیگر وسائل تک مکمل رسائی کا مطالبہ کرتے ہوئے خبردار کیا ہے کہ اگر عبوری صدر نے امریکی مطالبات تسلیم نہ کیے تو اسے سنگین نتائج کا سامنا کرنا پڑے گا۔ سابق امریکی صدر ڈونلڈ ٹرمپ نے بھی سخت لہجہ اختیار کرتے ہوئے کہا ہے کہ ڈیلسی کو مادورو سے بھی زیادہ خطرناک صورتحال کا سامنا کرنا پڑ سکتا ہے۔

مزید برآں امریکا کی نظریں گرین لینڈ پر مرکوز ہیں جبکہ کولمبیا میں ممکنہ آپریشن کے اشارے دے کر عالمی سطح پر نئی بحث چھیڑ دی گئی ہے۔