واشنگٹن: امریکی سینیٹ میں ایران کے خلاف کسی بھی ممکنہ جنگ یا فوجی کارروائی میں امریکی شمولیت کو محدود کرنے سے متعلق قرارداد منظور نہ ہو سکی۔
امریکی میڈیا کے مطابق قرارداد پر ہونے والی ووٹنگ میں 49 سینیٹرز نے حمایت کی، جبکہ 50 ارکان نے مخالفت میں ووٹ دیا، جس کے باعث قرارداد ایک ووٹ کی کمی سے مسترد ہو گئی۔
قرارداد میں مؤقف اختیار کیا گیا تھا کہ ایران کے خلاف جنگ یا کسی بھی بڑے فوجی اقدام سے قبل امریکی کانگریس کی منظوری حاصل کرنا ضروری ہو۔
قرارداد کی ناکامی کے بعد امریکی سینیٹ میں ایران سے متعلق حکومتی پالیسی، فوجی اختیارات اور جنگی فیصلوں کے اختیار پر بحث مزید جاری رہنے کا امکان ہے۔
