لاہور: پنجاب بورڈ آف ریونیو نے اسٹامپ پیپر کی خریداری کے طریقہ کار میں اصلاحات کرتے ہوئے خریدار کے موبائل نمبر کی رجسٹریشن اس کے شناختی کارڈ کے ساتھ لازمی قرار دے دی ہے۔ اس اقدام کا مقصد جعلی اسٹامپ پیپر کی فروخت روکنا اور قانونی دستاویزات کی شفافیت کو یقینی بنانا ہے۔
بورڈ نے کہا ہے کہ نئے نظام کے تحت ہر اسٹامپ پیپر خریدار کا موبائل نمبر اس کے نام پر رجسٹر ہونا چاہیے تاکہ خریداری کا مکمل ریکارڈ موجود رہے اور کسی بھی قسم کی دھوکہ دہی سے بچا جا سکے۔
بورڈ آف ریونیو کی جانب سے عوام کو ہدایت کی گئی ہے کہ وہ موبائل سم کی رجسٹریشن جلد مکمل کریں تاکہ اسٹامپ پیپر خریدنے میں کسی قسم کی دشواری پیش نہ آئے۔
