لاہور: یو بی جی کے پیٹرن انچیف ایس۔ ایم۔ تنویر نے مہنگائی کی شرح 3 فیصد پر آنے کے بعد اسٹیٹ بینک آف پاکستان سے مطالبہ کیا ہے کہ شرح سود 11 فیصد سے کم کر کے فوری طور پر 6 فیصد پر لائی جائے۔ ان کا کہنا ہے کہ موجودہ بلند شرح سود صنعتی ترقی، روزگار اور سرمایہ کاری کے لیے نقصان دہ ہے۔
انہوں نے کہا کہ شرح سود میں کمی سے برآمدات بڑھیں گی، حکومت کا قرض بوجھ کم ہوگا اور کاروباری ماحول بہتر ہو گا۔ ایس ایم تنویر نے تجارتی تنظیموں اور چیمبرز آف کامرس سے اپیل کی کہ وہ ایک متحدہ موقف اختیار کریں اور معاشی پالیسی میں بہتری کے لیے حکومت پر دباؤ ڈالیں۔
