یوٹیوبرز رجب بٹ اور ندیم نانی والا آن لائن جوئے کے الزامات میں ضمانت کے لیے عدالت سے رجوع

مشہور یوٹیوبرز رجب بٹ اور ندیم نانی والا نے آن لائن جوئے کی پروموشن کے الزام میں لاہور سیشن کورٹ میں ضمانت کی درخواستیں دائر کر دی ہیں۔ بیرسٹر میاں علی اشفاق کی وساطت سے دائر کی گئی درخواست میں رجب بٹ ایک مقدمے میں جبکہ ندیم نانی والا این سی سی آئی اے کے دو مقدمات میں ضمانت کے خواہاں ہیں۔

ندیم نانی والا نے عدالت کو بتایا کہ این سی سی آئی اے کے مقدمات بے بنیاد ہیں اور ان میں کوئی حقیقت نہیں۔ درخواست گزاروں نے عدالت سے استدعا کی ہے کہ وہ تفتیش میں مکمل تعاون کے لیے تیار ہیں اور ان کی گرفتاری مؤخر کی جائے۔