تبت: تبت کے مختلف علاقوں میں جمعرات کی صبح زلزلے کے جھٹکے محسوس کیے گئے، جن کی شدت ریکٹر سکیل پر 5 ریکارڈ کی گئی۔ زلزلے کا مرکز زمین کے تقریباً 10 کلومیٹر کی گہرائی میں تھا اور اس کے جھٹکے قریبی علاقوں تک بھی محسوس ہوئے۔
مقامی آبادی میں خوف و ہراس پھیل گیا اور لوگ گھروں سے باہر نکل آئے۔ ابتدائی رپورٹس کے مطابق کسی جانی یا مالی نقصان کی اطلاع موصول نہیں ہوئی، تاہم ایمرجنسی ٹیمیں متاثرہ علاقوں میں روانہ کر دی گئی ہیں۔
زلزلہ پیما مرکز نے مزید آفٹر شاکس کا امکان ظاہر کیا ہے اور شہریوں کو احتیاطی تدابیر اختیار کرنے کی ہدایت کی گئی ہے۔
