امریکی سینٹ کام نے قطر کے العدید ایئر بیس میں علاقائی شراکت داروں کے تعاون سے نیا ایئر ڈیفنس سیل قائم کر دیا ہے۔ اس سیل میں امریکا اور خطے کے دیگر ممالک کے فوجی اہلکار شامل ہوں گے۔
نیا سیل فضائی و میزائل دفاع میں تعاون کو مضبوط بنانے، حساس معلومات کا تبادلہ اور بروقت وارننگز فراہم کرنے کے لیے کام کرے گا۔ امریکی حکام کا کہنا ہے کہ اس اقدام سے خطے میں سکیورٹی اور فضائی خطرات سے نمٹنے کی صلاحیت میں بہتری آئے گی۔
