لاہور/اسلام آباد: وفاقی حکومت نے پولیس سروس آف پاکستان کے اعلیٰ افسران کے تبادلوں اور تعیناتیوں کا نیا حکم نامہ جاری کر دیا ہے۔ جاری کردہ نوٹیفکیشن کے مطابق، راؤ عبدالکریم کو نیا انسپکٹر جنرل (آئی جی) پنجاب تعینات کر دیا گیا ہے۔ وہ اس سے قبل ایڈیشنل آئی جی سپیشل برانچ پنجاب کے طور پر فرائض انجام دے رہے تھے۔
تبدیل ہونے والے آئی جی پنجاب ڈاکٹر عثمان انور کو ڈائریکٹر جنرل (ڈی جی) ایف آئی اے تعینات کر دیا گیا ہے، جبکہ سابق ڈی جی ایف آئی اے راجہ رفعت مختار کو وفاقی وزارتِ داخلہ میں ایڈیشنل سیکرٹری کی ذمہ داری سونپ دی گئی ہے۔
