معاشی سفارتکاری کی بڑی کامیابی: وزیراعظم شہباز شریف کا سعودی عرب، قطر اور ترکیہ کا دورہ مکمل، ‘ترقی و سرمایہ کاری’ کے نئے باب کا آغاز

لاہور / اسلام آباد :وزیراعظم محمد شہباز شریف سعودی عرب، قطر اور ترکیہ کے انتہائی کامیاب ترین اور تزویراتی (Strategic) دورے مکمل کر کے ترکیہ سے وطن واپسی کے لیے روانہ ہو گئے ہیں۔ ان دوروں کو پاکستان کی خارجہ پالیسی اور معاشی بحالی کے سفر میں ایک سنگِ میل قرار دیا جا رہا ہے۔
وفاقی وزیر اطلاعات عطا تارڑ کے مطابق، وزیراعظم نے اپنے اس سہ ملکی دورے کے دوران سعودی عرب، قطر اور ترکیہ کی اعلیٰ ترین قیادت سے الگ الگ ملاقاتیں کیں۔
وزیراعظم نے اپنے دورے کے دوران صرف معیشت ہی نہیں بلکہ عالمی امن پر بھی پاکستان کا موقف بھرپور طریقے سے پیش کیا۔ انہوں نے غزہ میں جاری انسانی بحران اور مشرقِ وسطیٰ میں بڑھتی ہوئی کشیدگی کو روکنے کے لیے مسلم ممالک کے درمیان ایک مشترکہ حکمتِ عملی پر زور دیا۔ وزیراعظم نے یہ واضح پیغام دیا کہ خطے کی معاشی ترقی کا براہِ راست انحصار پائیدار امن اور سیاسی استحکام پر ہے۔
ترکیہ سے روانگی کے موقع پر ترک حکام نے وزیراعظم کو الوداع کیا۔ سیاسی اور معاشی ماہرین کا ماننا ہے کہ اس دورے کے اثرات جلد ہی پاکستان میں غیر ملکی سرمایہ کاری کی صورت میں نظر آئیں گے، جس سے ملکی معیشت کو استحکام ملے گا۔