اسلام آباد :وزیراعظم شہباز شریف نے کہا ہے کہ اسلام آباد ایم او یو کے تحت اعلیٰ سطح کمیٹی کا پہلا اجلاس کامیابی سے مکمل ہو گیا، جس میں فریقین کے درمیان مثبت اور تعمیری ماحول میں بات چیت ہوئی۔
اپنے پیغام میں وزیراعظم نے بتایا کہ اجلاس کے دوران 60 روز کے اندر حتمی معاہدے تک پہنچنے کیلئے روڈ میپ پر اتفاق کیا گیا ہے۔ انہوں نے کہا کہ سیاسی نگرانی کیلئے اعلیٰ سطح کی کمیٹی قائم کر دی گئی ہے جبکہ آئندہ مرحلے میں تکنیکی مذاکرات کا آغاز ہوگا۔
وزیراعظم نے امریکا اور ایران کی قیادت کو تعمیری روابط برقرار رکھنے کے عزم پر خراج تحسین پیش کرتے ہوئے کہا کہ اس تاریخی عمل میں تعاون کرنے والے تمام ممالک کے کردار کو قدر کی نگاہ سے دیکھتے ہیں۔
شہباز شریف نے قطر کی جانب سے مذاکرات کیلئے سازگار ماحول فراہم کرنے اور سوئس حکومت کی سہولت کاری پر اظہار تشکر کیا۔ انہوں نے فیلڈ مارشل عاصم منیر، نائب وزیراعظم اسحاق ڈار، وزیر داخلہ محسن نقوی اور ان کی ٹیموں کی کوششوں کو بھی سراہا۔
انہوں نے کہا کہ پاکستان امن، استحکام اور تنازعات کے حل کیلئے مکالمے اور سفارتکاری کے راستے کو فروغ دینے کیلئے اپنا کردار ادا کرتا رہے گا۔
Alhamdulillah, the First High-Level Committee Meeting under the framework of the Islamabad Memorandum of Understanding has concluded successfully in Bürgenstock, Switzerland.
The discussions were held in a positive and constructive atmosphere and yielded encouraging progress,… pic.twitter.com/uvA0SBKfvf
— Shehbaz Sharif (@CMShehbaz) June 22, 2026
