کراچی :سندھ میں پبلک ٹرانسپورٹ نظام کو مزید بہتر بنانے کے لیے اقدامات تیز کر دیے گئے ہیں۔ اس سلسلے میں سندھ کے سینئر وزیر شرجیل میمن کی زیر صدارت اجلاس ہوا، جس میں مختلف ٹرانسپورٹ منصوبوں کی پیش رفت کا جائزہ لیا گیا۔
اجلاس سے خطاب کرتے ہوئے شرجیل میمن نے کہا کہ 50 ڈبل ڈیکر بسوں اور 500 نئی الیکٹرک بسوں کی شمولیت سے صوبے کے ٹرانسپورٹ نظام میں مثبت تبدیلی آئے گی اور شہریوں کو جدید سفری سہولتیں میسر ہوں گی۔
انہوں نے ڈپٹی کمشنرز کو ہدایت کی کہ بس ڈپو کے قیام کے لیے اضلاع میں دستیاب خالی سرکاری اراضی کی نشاندہی کا عمل جلد مکمل کیا جائے۔ شرجیل میمن نے کہا کہ حکومت سندھ عوام کو آرام دہ، محفوظ اور ماحول دوست ٹرانسپورٹ سہولیات فراہم کرنے کے لیے عملی اقدامات کر رہی ہے۔
