کراچی: مالی سال 2026-27 کے پہلے مانیٹری پالیسی اجلاس کا انعقاد آج گورنر اسٹیٹ بینک جمیل احمد کی صدارت میں ہوگا۔
اجلاس میں ملک کے معاشی حالات، مہنگائی کی صورتحال اور مالیاتی پالیسی کے اہم امور کا جائزہ لیا جائے گا۔ اجلاس کے بعد گورنر اسٹیٹ بینک پریس کانفرنس میں نئی مانیٹری پالیسی کا اعلان کریں گے۔
سی ایف اے سوسائٹی پاکستان کے سروے کے مطابق معاشی ماہرین نے امکان ظاہر کیا ہے کہ شرح سود 11.50 فیصد پر برقرار رکھی جا سکتی ہے۔ اسٹیٹ بینک کے فیصلے کا کاروباری سرگرمیوں اور مالیاتی مارکیٹ پر اثر متوقع ہے۔
