اسلام آباد: وزیراعظم محمد شہباز شریف نے بلوچستان سے یومِ آزادی کے موقع پر پیش کیے گئے خوبصورت اور حب الوطنی سے بھرپور ملی نغمے کو سراہتے ہوئے اس کی تیاری میں شامل تمام افراد کو خراجِ تحسین پیش کیا ہے۔
سماجی رابطے کی ویب سائٹ ایکس پر جاری اپنے پیغام میں وزیراعظم شہباز شریف نے کہا کہ یومِ آزادی کی آمد کے ساتھ بلوچستان سے پیش کیا گیا یہ خوبصورت اور حب الوطنی سے بھرپور نغمہ قومی جذبے کی خوبصورت عکاسی کرتا ہے۔
وزیراعظم نے نغمے کی تیاری میں حصہ لینے والے گلوکاروں، فنکاروں، پروڈیوسرز اور دیگر تمام افراد کو دلی خراجِ تحسین پیش کرتے ہوئے کہا کہ وہ اس شاندار کاوش پر صمیم قلب سے ان کے شکر گزار ہیں۔
انہوں نے کہا کہ نغمے کے ذریعے ہمارے پیارے وطن سے محبت کے جذبے کو نہایت خوبصورتی سے پیش کیا گیا ہے۔
وزیراعظم نے بلوچستان سے سامنے آنے والی اس کاوش کو وطن سے محبت اور جشنِ آزادی کے جذبات کے اظہار کا خوبصورت ذریعہ قرار دیا۔
وزیراعظم شہباز شریف نے اپنے پیغام کے اختتام پر "پاکستان زندہ باد!” کا نعرہ بھی لگایا۔
As Independence Day approaches, my heart is filled with pride to see this beautiful and patriotic song coming from Balochistan.
My heartfelt appreciation and sincere gratitude to the singers, performers, producers and everyone behind this wonderful effort. You have beautifully… pic.twitter.com/GAKhK93Fwg
— Shehbaz Sharif (@CMShehbaz) August 9, 2026
