اسلام آباد: سعودی عرب کے سفیر نواف بن سعید المالکی نے وزیراعظم شہباز شریف سے الوداعی ملاقات کی، جس میں پاکستان اور سعودی عرب کے دیرینہ برادرانہ تعلقات پر تبادلہ خیال کیا گیا۔
وزیراعظم شہباز شریف نے دونوں ممالک کے تعلقات کے استحکام اور مزید فروغ میں سعودی سفیر کی خدمات کو خراجِ تحسین پیش کیا۔
شہباز شریف نے سعودی سفیر کے مستقبل کے لیے نیک خواہشات کا اظہار کیا جبکہ سعودی فرمانروا شاہ سلمان بن عبدالعزیز اور ولی عہد محمد بن سلمان کے لیے بھی اپنی نیک تمناؤں کا پیغام دیا۔
وزیراعظم نے اس عزم کا اظہار کیا کہ پاکستان اور سعودی عرب کے درمیان تاریخی اور برادرانہ تعلقات مستقبل میں مزید مضبوط ہوں گے۔
