اسلام آباد:پیٹرولیم لیوی کے خاتمے کے مطالبے پر حکومت اور جماعت اسلامی کے درمیان مذاکرات کا اہم دور مکمل ہوگیا۔ مذاکرات میں جماعت اسلامی نے لیوی کے فوری خاتمے اور عوام کو مہنگائی سے ریلیف فراہم کرنے پر زور دیا۔
جماعت اسلامی کے رہنما لیاقت بلوچ نے بتایا کہ حکومت نے پیٹرولیم لیوی کے خاتمے کے مطالبے کو جائز تسلیم کرلیا ہے، جبکہ مذاکرات کے دوران مجوزہ معاہدے کی آؤٹ لائن بھی طے پاگئی ہے۔
ان کا کہنا تھا کہ اب حکومت کے عملی اقدامات اور آئندہ لائحہ عمل کا انتظار کیا جائے گا۔ حکومتی حکمت عملی سامنے آنے کے بعد جماعت اسلامی لانگ مارچ کے حوالے سے اپنا حتمی فیصلہ کرے گی۔
