بیجنگ: امریکی صدر ڈونلڈ ٹرمپ ایشیا پیسیفک اقتصادی تعاون تنظیم کے اجلاس میں شرکت کے لیے چین پہنچ گئے۔ چینی صدر شی جن پنگ نے ایئرپورٹ پر امریکی ہم منصب کا استقبال کیا، اس موقع پر امریکی صدر کو فلائی پاسٹ کے ذریعے خصوصی سلامی بھی پیش کی گئی۔
صدر ٹرمپ کی چین آمد کے موقع پر دونوں ممالک کی اعلیٰ قیادت کے درمیان رابطوں کو عالمی سطح پر اہمیت دی جا رہی ہے۔ اجلاس میں شرکت کے لیے روسی صدر ولادیمیر پیوٹن بھی پہلے ہی بیجنگ پہنچ چکے ہیں۔
ایشیا پیسیفک اقتصادی تعاون تنظیم کے اجلاس میں خطے کی معاشی صورتحال، عالمی تجارت، سرمایہ کاری اور اقتصادی تعاون کے فروغ سمیت اہم معاملات زیر بحث آئیں گے۔
عالمی طاقتوں کے سربراہان کی شرکت کے باعث اجلاس کو بین الاقوامی سفارتی اور معاشی تناظر میں اہم پیش رفت قرار دیا جا رہا ہے۔




