لاہور: سینئر سیاستدان اور سابق گورنر پنجاب میاں محمد اظہر کی نماز جنازہ قذافی سٹیڈیم لاہور کے باہر ادا کر دی گئی۔ نماز جنازہ شیخ الحدیث جامعہ اشرفیہ پروفیسر مولانا محمد یوسف نے پڑھائی۔
نماز جنازہ میں متعدد سیاسی، سماجی شخصیات، ارکان اسمبلی اور عزیز و اقارب نے شرکت کی۔
وزیراعظم شہباز شریف، نواز شریف، وزیراعلیٰ مریم نواز، خواجہ آصف اور دیگر رہنماؤں نے انتقال پر گہرے دکھ اور اہل خانہ سے ہمدردی کا اظہار کیا۔
میاں محمد اظہر لاہور کے میئر، گورنر پنجاب، مسلم لیگ (ن)، مسلم لیگ (ق)، اور بعد ازاں پی ٹی آئی سے وابستہ رہے۔ فروری 2024 کے عام انتخابات میں وہ این اے 129 سے ایم این اے منتخب ہوئے تھے۔
