غذر :ضلع غذر میں حالیہ گلیشئر برسٹ کے باعث شدید سیلاب نے مقامی آبادی کو شدید متاثر کیا ہے۔ آرمی چیف کی خصوصی ہدایت پر ایف سی این اے نے متاثرہ علاقوں میں فوری امدادی سرگرمیاں شروع کر دی ہیں۔ پاک فوج نے تھالی داس اور روشن نامہ گاؤں میں میڈیکل کیمپس قائم کیے جہاں اب تک 600 سے زائد مریضوں کو طبی سہولیات فراہم کی جا چکی ہیں۔
سیلاب سے متاثرہ خاندانوں میں راشن اور ٹینٹ تقسیم کیے جا رہے ہیں، جبکہ پاک فوج کے جوان نہ صرف ریلیف فراہم کر رہے ہیں بلکہ متاثرین کی مکمل بحالی کے لیے بھی دن رات کوشاں ہیں۔ علاقے کے عوام نے پاک فوج کی اس فوری اور عملی مدد کو سراہتے ہوئے خراجِ تحسین پیش کیا ہے۔
پاک فوج ہر آزمائش کی گھڑی میں عوام کے شانہ بشانہ کھڑی ہے۔
