پی ڈی ایم اے نے پنجاب میں مون سون کے آٹھویں سپیل کے دوران دریاؤں اور ندی نالوں میں سیلاب کا الرٹ جاری کر دیا ہے۔ جہلم اور چناب میں درمیانے سے اونچے درجے کے سیلاب کا خدشہ ہے جبکہ دریائے ستلج گنڈا سنگھ والا کے مقام پر اونچے درجے کی سیلابی صورتحال برقرار ہے۔ اب تک 70 سے زائد دیہات زیرِ آب آچکے ہیں اور ریسکیو ٹیمیں متاثرین کو محفوظ مقامات پر منتقل کرنے میں مصروف ہیں۔ سیلاب سے سینکڑوں ایکڑ اراضی اور درجنوں مکانات تباہ ہو گئے ہیں جبکہ مزید نقصان کا خدشہ ہے۔
