امریکی خلائی ادارے ناسا نے فیصلہ کیا ہے کہ وہ اپنے پروگراموں میں امریکی ویزا رکھنے والے چینی شہریوں کو شامل نہیں کرے گا۔ ناسا کی پریس سیکرٹری بیتھنی اسٹیونز نے کہا کہ یہ قدم حساس تحقیق اور ٹیکنالوجی کی حفاظت کے لیے اٹھایا گیا ہے۔ اس کے تحت چینی شہریوں کی ناسا کی عمارات اور تحقیقی نیٹ ورکس تک رسائی محدود کر دی گئی ہے۔
یہ فیصلہ ایسے وقت میں آیا ہے جب امریکا اور چین دونوں چاند پر خلاباز بھیجنے کے منصوبوں پر تیزی سے کام کر رہے ہیں اور دونوں کے درمیان خلائی دوڑ شدت اختیار کر گئی ہے۔ تجزیہ کاروں کے مطابق یہ پابندی چینی سائنسدانوں کی امریکی خلائی پروگراموں میں شمولیت کو مشکل بنا دے گی۔
Send an email
