اسلام آباد: پاکستانی فضائی حدود کی بندش کے باعث بھارتی ایوی ایشن سیکٹر کو مسلسل مشکلات کا سامنا ہے، جبکہ بھارتی ایئر لائنز خصوصاً ایئر انڈیا کے آپریشنز متاثر ہو رہے ہیں۔
رپورٹس کے مطابق پاکستانی فضائی حدود کے استعمال میں رکاوٹ کے باعث بھارتی طیاروں کو طویل متبادل راستے اختیار کرنا پڑ رہے ہیں، جس سے پروازوں کا دورانیہ بڑھنے کے ساتھ ایندھن اور دیگر آپریشنل اخراجات میں بھی اضافہ ہو رہا ہے۔
فضائی صنعت سے وابستہ ماہرین کے مطابق طویل روٹس، اضافی اخراجات اور پروازوں کی منصوبہ بندی میں تبدیلیاں ایئر لائنز کے لیے مالی دباؤ کا باعث بن رہی ہیں۔
ذرائع کا کہنا ہے کہ فضائی رابطوں سے متعلق یہ صورتحال بھارتی ایوی ایشن شعبے کے لیے ایک اہم چیلنج بن چکی ہے، جبکہ مسافروں اور فضائی آپریشنز پر بھی اس کے اثرات مرتب ہو رہے ہیں۔
