نیویارک:نیویارک کی سیاست میں نئی ہلچل، جب نیویارک کے ممکنہ میئر اور ڈیموکریٹ رہنما ظہران ممدانی نے سابق صدر ڈونلڈ ٹرمپ پر سنگین الزامات عائد کیے کہ وہ انہیں سیاسی دباؤ کے ذریعے خاموش کرانا چاہتے ہیں۔
ممدانی کا کہنا ہے کہ وہ امیگریشن، مہنگائی اور عام شہریوں کے مسائل پر بات کرتے ہیں، جو ٹرمپ کے لیے ناقابلِ برداشت ہیں۔
"اگر یہ جنگ عوام کے مفاد میں ہے، تو میں ہر حملے کا سامنا کرنے کو تیار ہوں،” انہوں نے پرعزم لہجے میں کہا۔
ادھر ٹرمپ نے بھی واضح الفاظ میں ردعمل دیا کہ قانونی حکام کے کام میں رکاوٹ ڈالنے والوں کے لیے کوئی رعایت نہیں ہوگی۔ اس بیان نے نیویارک کی سیاسی فضا مزید کشیدہ کر دی ہے۔
