گلگت بلتستان: گلگت بلتستان اسمبلی آج رات 12 بجے تحلیل ہو جائے گی، اور وزیر اعظم شہباز شریف نگراں وزیراعلیٰ کے نام کا اعلان جلد کرنے کا امکان ہے۔
ذرائع کے مطابق وزیر اعظم کو نگراں وزیراعلیٰ کے لیے تین ناموں کی سمری موصول ہوئی ہے جن میں مصطفی مدنی راوٹ، محمد علی قائد اور راجہ نظیم شامل ہیں۔ اپوزیشن اور حکومت کے درمیان کسی ایک نام پر اتفاق نہ ہونے کے باعث حتمی فیصلہ وزیر اعظم کے اختیار میں ہے۔
حاجی گلبر خان کی موجودہ حکومت آج رات ختم ہو جائے گی، اور توقع ہے کہ کل نگراں حکومت کا قیام عمل میں آئے گا۔
اس دوران گلگت بلتستان پولیس نے بھی اپنے اہلکاروں کے لیے ٹک ٹاک کے استعمال پر پابندی عائد کر دی ہے۔
