انٹرنیٹ صارفین گوگل پر ’40 منٹ کی وائرل ویڈیو‘ تلاش کر رہے ہیں، مگر ماہرین نے واضح کیا ہے کہ یہ محض جعلی کلک بیٹ ہے اور اس کا کوئی حقیقی وجود نہیں۔
سائبرسیکیورٹی ماہرین کے مطابق اس طرح کے لنکس پر کلک کرنا آپ کی ذاتی معلومات، لاگ ان ڈیٹا یا ڈیوائس کو نقصان پہنچا سکتا ہے۔ کچھ ویب سائٹس مالویئر انسٹال کرتی ہیں یا اشتہارات کے ذریعے صارفین کو دھوکہ دیتی ہیں۔
یہ رجحان پچھلی ’19 منٹ 34 سیکنڈ کی مبینہ وائرل ویڈیو‘ سے پیدا ہوا، جسے بڑھا چڑھا کر ’40 منٹ‘ کے نام سے پیش کیا گیا۔ بھارتی سائبر ایجنسی کے افسر امیت یادو نے کہا کہ ایسے مواد کا استعمال قانونی پیچیدگیوں کا سبب بھی بن سکتا ہے۔
ماہرین نے صارفین کو ہدایت کی ہے کہ صرف تصدیق شدہ ذرائع سے ویڈیوز دیکھیں اور مشکوک لنکس پر کلک نہ کریں تاکہ ڈیجیٹل سیکیورٹی اور قانونی مسائل سے بچا جا سکے۔
